FOMU ZA UCHAGUZI BFT ZAANZA KUTOLEWA LEO JANUARI 17 2018.

Afisa Habari wa Baraza la Michezo la Taifa Bi Najaha Bakari akizungumza na waandishi wa Habari kuhusu Uchaguzi wa wa Shirikisho la Ngumi Tanzania BFT

Baraza la Michezo la Taifa (BMT) leo hii Tarehe 17 Januari 2018 limetangaza  uchaguzi wa Shirikisho la Ngumi la Tanzania (BFT) unaotarajiwa kufanyika tarehe 24 mwezi Februari 2018 Mkoani Dodoma.

Kwa mujibu wa Afisa Habari wa BMT Bi Najaha Bakari amesema fomu zimeanza kutolewa katika ofisi za BMT zilizopo uwanja wa Taifa jijini Dar es salaam, kupatikana katika tovuti ya Baraza ambayo ni  www.nationalsportscouncil.go.tz, kwenye ofisi za viongozi wa ngumi za Ridhaa mikoani na ofisi za BFT kuanzia Tarehe 17 Januari hadi 15 Februari mwaka 2018.

Rais wa BFT anayemaliza muda wake Mutta Rwakatale akizungumza na waandishi wa Habari kuhusu Shirikisho la Ngumi Tanzania BFT jijini Dar es salaam (kulia) na Pembeni yake ni Afisa Habari wa BMT Najaha Bakari

Aidha, usaili utafanyika Tarehe 23 Februari siku ya Ijumaa kabla ya kuelekea katika uchaguzi huo Tarehe 24 Februari siku ya Jumamosi.

Nafasi zinazogombewa ni;

         Nafasi                                                                                ADA

1. Rais                                                                                  200,000/=
2. Makamu wa Rais                                                                150,000/=
3. Katibu Mkuu                                                                      150,000/=
4. Mweka Hazina                                                                   150,000/=
5. Wajumbe                    9                                                      50,000/=

SIFA ZA WAGOMBEA

Hairuhusiwi kugombea nafasi yoyote kama wewe ni Mchezaji.

• Mgombea anatakiwa awe na umri husiopungua miaka 25
• Hasiwe ametenda kosa lolote la Jinai
• Awe na Elimu ya Kidato cha nne na kuendelea.
• Katika nafasi ya Mweka Hazina mgombea lazima awe na cheti cha Uhasibu
• Wajumbe wanaogombea nafasi hiyo lazima wawe na uzoefu na ngumi za Ridhaa.

Aidha Baraza limetoa wito kwa wenye sifa na nia njema ya kuuendeleza mchezo wa ngumi nchini kujitokeza kwa wingi kuchukuwa fomu ili wapiga kura wafanye maamuzi sahihi kwa maendeleo ya mchezo huo.

Malipo ya fomu yanafanyika katika akaunti ya Baraza kwa jina la National Sports Council Ac.No. 20401100013-Bank ya NMB na kuwasilisha Baraza fomu iliyojazwa pamoja na risiti iliyolipiwa Benki.