WAKIELEKEA KUIVAA YANGA KESHO, NDANDA WATHIBITISHA KUACHANA NA KOCHA WAKE..

Uongozi wa Ndanda fc kutoka mkoani Mtwara imethibitisha kumalizana na Kocha Abdallah Mohamed Bares na nafasi yake itakaimiwa na Mkurugenzi wao wa Ufundi Hamim Mawazo mpaka pale msimu wa 2016/2017 wa ligi kuu ya Vodacom Tanzania bara.

Mwezi Oktoba mwaka huu baada ya kuipa ubingwa wa Ligi kuu ya visiwani Zanzibar Timu ya Zimamoto, Kocha huyo alitambulishwa rasmi huko mkoani Mtwara kuwa ni Kocha mpya Ndanda lakini tangu kumalizika kwa mzunguko wa kwanza wa VPL kocha huyo hakuonekana tena kwa wana kuchele.

Hii si mara ya kwanza kwa Ndanda fc kumtambulisha Kocha mpya ambae haichukui hata miezi sita kabla ya kutemana nae jambo linalotiliwa shaka kuwa huenda suala la mikataba ikawa ni kikwazo kwa timu ya Ndanda.