OFFICIAL: YANGA YATHIBITISHA KOCHA PLUIJM KUBWAGA MANYANGA

Hatimaye kocha mkuu wa klabu ya Yanga, Mholanzi, Hans van der Pluijm amejiuzulu kuifundisha klabu hiyo baada ya uongozi kuamua kubadili benchi la ufundi, huku yeye mwenyewe akifichwa fichwa.

Pluijm ameithibitishia Mshikemshike Viwanjani kuwa amefikia maamuzi hayo ya kuachana na Yanga akiamini mlango mmoja ukifungwa mwingine unafunguliwa.

Klabu ya Yanga kupitia akaunti yao rasmi ya mtandao wa kijamii wa Instagram imethibitisha kujiuzulu kwa kocha huyo ambapo wameonesha kuthamini mchango alioutoa kwa timu hiyo ya Jangwani.

Mabingwa hao watetezi wameeleza kwa kirefu mafanikio aliyowapatia Pluijm katika kipindi chote alichoifundisha Yanga ambapoo siku za karibuni aliifikisha timu hiyo hatua ya makundi ya kombe la Shirikisho barani Africa.

Mbali na hivyo, msimu uliopita, aliweza kutwaa ubingwa wa ligi kuu soka Tanzania bara na Kombe la Azam Sports Federation Cup.

Taarifa za uhakika zinaeleza kuwa Yanga imeamua kuvunja benchi nzima la ufundi na walimpa ofa Pluijm ya kuwa Mkurugenziwa wa Ufundi, lakini amekataa.

Haya yanakuja kutokana na uongozi wa Yanga kudaiwa kufikiwa makubaliano na na kocha mkuu wa Zesco ya Zambia, George Lwandamina ambaye yuko nchini toka jana na taarifa za awali zinaeleza kuwa tayari amesaini mkataba wa miaka miwili.