MATA AIPELEKA UNITED ROBO FAINALI EFL BAADA YA KUITUPA CITY

Bao pekee la Juan Mata limeipa ushindi Manchester United na kutinga robo fainali baada ya kuitupa Manchester City nje ya Kombe la EFL, kombe ambalo wao ndio walikuwa mabingwa watetezi.

Mata alifunga bao hilo baada ya kupata pasi safi kutoka kwa Zlatan Ibrahimovic na kukwamisha mpira huo wavuni.

Paul Pogba almanusra afunge bao kipindi cha pili baada ya shuti lake kupanguliwa na kipa na kugonga mwamba na kuokolewa.

Pep Guardiola alifanya mabadiliko tisa kwenye kikosi chake ambacho mpaka leo kimefikisha idadi ya michezo sita bila ushindi kwenye michuano yote.

Ushindi wa United katika huo ni wa pili katika michezo mitano na ushindi wa nne kwa Jose Mourinho kati ya mechi 18 dhidi ya Guardiola.