GIROUD AREJEA NA KUPIGA MBILI ARSENAL IKIZIDI KUISUKUMA SUNDERLAND MKIANI

Arsenal wamezidi kumwongezea presha ya kufukuzwa meneja wa Sunderland David Moyes baada ya kushusha kipigo cha mabao 4-1 na kuzidi kuwaacha mkiani wa Premier League huku wakiwa hawajashinda mchezo hata mmoja tangu kuanza kwa msimu.

Sanchez alifungua ukurasa wa mabao kwa Arsenal kwa goli safi la kichwa baada ya kumzidi ujanja beki wa Sunderland Lamine Kone kufuatia krosi nzuri ya Oxlade-Chamberlain

Arsenal walinyimwa penati ya wazi baada ya Sanchez kuangushwa ndani ya eneo la penati kabla ya mshambuliaji wa Sunderland  Jermain Defoe kusawazisha bao kwa penati baada ya kipa Petr Cech kumwangusha Duncan Watmore.

Hata hivyo baada ya dakika sita tu na sekunde 20 Arsenal tayari walikuwa mbele kwa mabao 3-1 kufuatia magoli mawili ya Olivier Giroud aliyeingia kutoka benchi.

Ushindi wa leo umewabakisha  Arsenal nafasi ya pili kwenye msimamo wa ligi nyuma ya Manchester City wote wakiwa na jumla ya alama 20 lakini wakizidiana tofauti ya mabao.