CHELSEA YAICHAPA LEICESTER BILA HURUMA

Chelsea wamefufua matumaini ya mbio za kuwania ubingwa wa Premier League baada ya kuwafunga Mabingwa Watetezi Leicester City mabao 3-0, mchezo uliofanyika Stamford Bridge.

Magoli ya Chelsea yamefungwa na Diego Costa dakika ya 7 baada ya kupata pasi kutoka kwa Nemanja Matic.

Chelsea walipata bao la pili kupitia kwa Eden Hazard dakika ya 33 baada ya kazi nzuri kutoka kwa Pedro Rodriguez.

Bao la tatu la Chelsea limefungwa na Victor Moses dakika ya 80 kufuatia kazi nzuri ya Chilobah.

Takwimu muhimu

• Leicester City imekuwa timu ya kwanza kama Mabingwa Watetezi kupoteza mechi zao zote nne za mwanzo za ugenini tangu ilivyotokea kwa Blackburn msimu wa 1995-96
• Costa amefunga magoli 39 na kutoa assists 11  kwenye mechi 62 za EPL
• Tangu acheze mchezo wake wa kwanza tangu asajiliwe na Chelsea, Eden Hazard ndiyo mchezaji kiungo mwenye magoli mengi kuliko yeyote EPL (44).