BREAKING NEWSSSS!: FARID MUSSA HUYOOOOOOOO ULAYA!

Hatimaye Kiungo Mshambuliaji wa kimataifa wa Tanzania, Farid Mussa amepata kibali cha kufanya kazi nchini Hispania.

Kwa maana hiyo, Farid, ambaye wasiwasi ulitanda kwamba huenda ndoto zake za kucheza soka Ulaya zikafifia, sasa umezimwa rasmi na anakwenda kujiunga na timu ya Club Deportivo Tenerife inayocheza daraja la kwanza nchini Hispania akitokea klabu ya Azam FC.

Pichani chini ni kibali cha Farid Mussa.

Awali zilikuwepo taarifa za Azam FC kuhusishwa kukwamisha mpango wa Farid kwenda Hispania, Japokuwa klabu hiyo kupitia kwa viongozi wake hususani Afisa Mtendaji Mkuu, Saad Kawemba, iliendelea kusisitiza kwamba tatizo halipo kwao bali ni kwa Tenerife ambayo ilikuwa inashughulikia kibali cha nyota huyo machachari.

Ilifika wakati mpaka Nahodha wa Timu ya Taifa ya Tanzania na Mchezaji wa KRC Genk ya Ubelgiji , Mbwana Samatta,  kuhoji nini kipo nyuma ya suala la Farid ambaye alishafuzu majaribio siku nyingi.