RONALDO AFUNGUA AKAUNTI YA MAGOLI MADRID IKISHINDA 5-2

Real Madrid kwa mara ya kwanza wakiwa na nyota wao Cristiano Ronaldo ambaye ametoka kuuguza majeraha yake wameibuka na ushindi mnono wa mabao 5-2 dhidi ya Osasuna.

Cristiano Ronaldo ameweza kufungua ukurasa wake wa mabao msimu huu baada ya kufunga bao safi dakika ya 6 tu ya mchezo.

Magoli mengine ya Real Madrid yalifungwa na Danilo dakika ya 41, Sergio Ramos dakika ya 45, Pepe 56 na Luka Modric kuhitimisha karamu ya magoli kwa kufunga goli la tano dakika ya 62.

Magoli ya Osasuna yalefungwa na Roberto Torres dakika ya 73 na David Garcia dakika ya 78.