CHEKI MSIMAMO WA LA LIGA BAADA YA BARCELONA KUKIONA CHA MOTO KUTOKA KWA ALAVES...

MABINGWA wa Ligi Kuu ya Kandanda ya Hispania, La Liga Barcelona Jana wametandikwa 2-1 wakiwa kwao Nou Camp na Deportivo Alaves iliyopanda Daraja Msimu huu.

 
Kwenye Mechi hiyo, Kocha wa Barca, Luis Enrique, aliwaacha Lionel Messi na Luis Suarez kwenye Kikosi kilichoanza ingawa baadae wote waliingizwa kuokoa jahazi.
Alaves walitangulia kufunga kupitia Mbrazil Deyverson na kuinyamazisha Nou Camp lakini Jeremy Mathieu akasawazisha kwa Kichwa na Gemu kuwa 1-1.
Bao la ushindi la Alaves lilifungwa na Ibai Gomez aliemhadaa Kipa Mpya wa Barca Jasper Cillessen.
 

Matokeo haya yamewaacha Barca wakiwa Pointi 3 nyuma ya Real Madrid.
Mapema Jana, Real Madrid, wakimtumia Cristiano Ronaldo, kwa mara ya kwanza Msimu huu baada ya kupona Goti lake, waliitwanga Osasuna 5-2 huku Ronaldo akifunga Bao la kwanza.

RATIBA LA LIGA KWA SAA ZA TANZANIA

Jumapili Septemba 11
1300 Sporting Gijon v CD Leganes
1700 Valencia C.F v Real Betis
1915 Granada CF v SD Eibar
2130 Deportivo La Coruna v Athletic de Bilbao