PATA MADINI KABLA YA LEICESTER KUWAVAA MANCHESTER UNITED LEO NGAO YA JAMII....NIMEKUWEKEA NA RATIBA YA EPL JUMAMOSI....

MECHI YA Ufunguzi Pazia la Msimu Mpya wa ligi kuu soka ya England inachezwa leo kuanzia majira ya saa 12:00 Jioni kwa saa za Afrika Mashariki ambapo Mabingwa wa England na wale waliobeba FA CUP wanakutana kugombea Ngao ya Jamii Uwanjani Wembley Jijini London.

Mechi hii inawakutanisha Leicester City ambao ni Mabingwa wa England na Manchester United Mabingwa wa FA CUP.

Awali Taji hili lilikuwa likiitwa Ngao ya Hisani lakini sasa ni Ngao ya Jamii na hii ni mara ya 94 kushindaniwa na Mdhamini wake Mkuu ni McDonald ambao ni maarufu kwa Hoteli za Vyakula vya Hamburger Duniani kote.

Mara ya mwisho kukutana, Timu hizo zilitoka 1-1 Msimu uliopita kwenye mechi ya Ligi Kuu England ambayo Leicester walitanguliwa kufungwa kwa Bao la Anthony Martial na kusawazisha kupitia Wes Morgan.

Siku moja baada ya Mechi hiyo, Leicester wakatwaa Ubingwa baada ya Wapinzani wao Spurs kutoka Sare na Chelsea huko Stamford Bridge.

Hilo lilikamilisha Msimu wa ajabu kwa Leicester baada ya Msimu mmoja uliopita, ule wa 2014/15 chupuchupu kunusurika kushushwa Daraja.

Lakini chini ya Meneja Claudio Ranieri Msimu wa 2015/16 walibadilika na kushangaza wengi kwa kutwaa Ubingwa wao wa kwanza katika Historia yao.

Ranieri ndie alikuwa Meneja wa Chelsea kabla Jose Mourinho hajatua huko kumbadili.

-Man United wametwaa Ngao ya Jamii mara 20, ikiwa ni mara 5 zaidi ya Timu inayowafuata [Liverpool mara 15].

Hali za Timu

Mabeki wa Manchester United Chris Smalling na Timothy Fosu-Mensah, ambao walikuwa Majeruhi sasa wako fiti na huenda wakashiriki Mechi hii.

Wachezaji wapya wa Man United Zlatan Ibrahimovic, Henrikh Mkhitaryan na Eric Bailly huenda nao wakaanza Mechi hii.

MAN UNITED-Timu itatokana na Kikosi hiki:

De Gea, Romero, Bailly, Jones, Rojo, Darmian, Fosu-Mensah, Valencia, Smalling, Blind, Shaw, Carrick, Herrera, Schneiderlin, Fellaini, Lingard, Young, Mata, Mkhitaryan, Depay, Martial, Rooney, Rashford, Ibrahimovic.

Kwa upande wa Leicester City, Wachezaji wao wapya Ahmed Musa, Papy Mendy na Luis Hernandez huenda wakaanza pamoja na wengine wapya Ron-Robert Zieler na Bartosz Kapustka.

LEICESTER CITY-Timu itatokana na Kikosi hiki:

Schmeichel, Zieler, Chilwell, Schlupp, Morgan, Hernandez, Wasilewski, Huth, Fuchs, Simpson, Kapustka, Gray, Amartey, King, Mendy, Drinkwater, James, Albrighton, Mahrez, Ulloa, Okazaki, Musa, Vardy.

REFA: CRAIG PAWSON

LIGI KUU ENGLAND

Msimu Mpya 2016/17

Ratiba:

Jumamosi Agosti 13

Saa za Afrika Mashariki

1430 Hull City v Leicester City

1700 Burnley v Swansea City

1700 Crystal Palace v West Bromwich Albion

1700 Everton v Tottenham Hotspur

1700 Middlesbrough v Stoke City

1700 Southampton v Watford

1930 Manchester City v Sunderland

Jumapili Agosti 15

1530 A.F.C. Bournemouth v Manchester United

1800 Arsenal v Liverpool

Jumatatu Agosti 16

2200 Chelsea v West Ham United