CHELSEA YAZINDUKA DAKIKA ZA MWISHO UGENINI NA KUICHAPA WATFORD

Diego Costa leo ameifungia tena Chelsea goli la ushindi kwa mara ya pili mfululizo wakati Chelsea walipotoka nyuma kwa bao 1 na kuibuka na ushindi wa mabao 2 dhidi ya Watford kwenye dimba la Vicarage Road.

Etienne Capoue aliwapa bao la uongozi Watford mnamo dakika ya 56 wakati huo wenyeji hao wakionekana kuutawala mchezo huo.

Lakini Michy Batshuayi ambaye aliingia kutoka benchi aliisawazishia Chelsea goli, likiwa ni goli lake la kwanza tangu atue klabuni hapo aliposajiliwa kwa ada ya paundi mil 33.

Baadaye Diego Costa alifunga bao la pili baada ya kupata pasi nzuri kutoka kwa Cesc Fabregas na kumhadaa kipa wa Watford Heurelho Gomes huku zikiwa zimebaki dakika tatu.

Hali hii inampa kujiamini bosi mpya wa Chelsea Antonio Conte baada ya mchezo wa awali kushinda dhidi ya West Ham kwa mabao 2-1.