ASAMOAH GYAN NAYE AFELI VIPIMO VYA AFYA HUKO ENGLAND...

Asamoah Gyan  ameshindwa kufuzu vipimo vya afya na hivyo hatajiunga na Reading FC kwa mkopo.

Nahodha huyo wa Timu ya Taifa ya Ghana alikuwa mbioni kujiunga na Reading kwa mkataba wa mkopo wa mwaka  mmoja akitokea klabu ya China ya

Shanghai SIPG.

Taarifa zinaeleza kwamba, nyota huyo mwenye miaka 30 hajafuzu vipimo vya afya na hataweza kuwa fiti kuichezea timu hiyo kwa wiki nane atazokuwepo klabuni hapo.

Gyan aliwahi kutamba nchini England akiichezea Sunderland aliyojiunga nayo akitokea Rennes ya Ufaransa mwaka 2010 na alikipiga kwa misimu miwili ndani ya paka hao weusi  kabla ya kutimkia Al Ain ya Abu Dhabi  ambapo alifunga magoli 73 katika mechi 65, ikiwemo magoli 44 ndani ya msimu mmoja.

Mwezi Julai mwaka 2015, alijiunga na timu ya China ya Shanghai SIPG – kwa mkataba uliomfanya alipwe mshahara wa paundi laki mbili na Elfu 27 kwa wiki na kuwa miongoni mwa wachezaji wanavuta fedha nyingi Ulimwenguni.