YANGA YAMNASA FUNDI MWINGINE KUTOKA ZAMBIA, ALICHEZA NA KINA NGOMA NA KAMUSOKO FC PLATINUM

Mtandao wa soccer24.co.zw unaripoti kuwa, Mabingwa wa Ligi kuu Soka Tanzania Bara Yanga wamekamilisha usajili wa kiungo mshambuliaji wa FC Platinum Obrey Chirwa.

Mchezaji huyo wa kimataifa wa Zambia anatarajiwa kualmba kitita cha maana kutokana na vyanzo vya ndani vya klabu hiyo.

Taarifa za awali zinaeleza kwamba, Yanga wamemnyakua mchezaji huyo kwa kitita cha zaidi ya dola za Kimarekani 100 000.

Yanga wanaamini Chirwa ataonesha makali yake kama walivyofanya wenzake Donald Ngoma na Thabani Kamusoko, ambao wote walikuwa wakicheza klabu moja ya FC Platinum.  Ngoma amekuwa na msimu mzuri baada ya kufunga magoli 17 msimu huu ulioisha.

Mwaka jana Chirwa alikaata kujiunga na klabu ya Hobro IK ya Denmark kutokana na ofa ndogo waliyotoa klabu hiyo.