VAN GAAL KAYASEMA HAYA BAADA YA KUTIMULIWA UNITED, KAMTAJA FERGUSON NA CHALTON

Baada ya Manchester United kuthibitisha kwamba ajira ya Louis Van Gaal imefikia ukingoni, kocha huyo wa kidachi nae ametoa taarifa rasmi ya kuthibitisha ajira yake imefikia mwisho. 

 Taarifa ya Van Gaal inasema: “Imekuwa ni heshima kubwa kuifubdisha klabu kubwa kama Manchester United FC, kwa kufanya hivyo, nimefanikiwa kufanikisha ndoto yangu ya siku nyingi.

Ninajivunia sana kuweza kuisaidia United kushinda ubingwa wa FA Cup kwa mara ya 12 katika historia ya klabu. Nimebahatika wakati wa maisha yangu ya ukocha kushinda mataji 20 lakini kushinda FA Cup, ni jambo la kihistoria, na ni kumbukumbu kubwa na mafanikio ya kipekee. 

Ninasikitika sana kushindwa kumaliza miaka mitatu niliyopanga. Ninaamini kwamba nimejenga msingi mzuri wa klabu kuendelea mbele kwenye mafanikio.  

Ninatumaini kushinda FA Cup kutaipa klabu muamko wa kuendelea kufanya vizuri kuelekea msimu ujao na kurudisha mafanikio ambayo mashabiki wanayatamani. 

Baada ya kufundisha soka Holland, Spain na Germany, Siku zote nilikuwa natamani kufundisha soka nchini England na kuwa sehemu ya utamaduni wa soka la Uingereza.  

Nawashukuru wachezaji wangu na ninawatakia kila kheri msimu ujao. Ilikuwa ni furaha kufanya nao kazi na ninajivunia kuwapa nafasi wachezaji wengi wachanga ambao walitumia nafasi na kuingia katika timu ya kwanza. 

 Nawashukuru wamiliki na bodi ya Manchester United kwa kunipa nafasi ya kuifundisha Manchester United. Ningependa pia kuwashuruku washabiki. Kwa hakika wao ni mashabiki bora duniani. Ninawashukuru wafanyakazi wa klabu – wataalamu wa sayansi, madaktari, watunza vifaa, timu ya academy, muandishi wa klabu na watunza uwanja wa wa Old Trafford na Carrington ambao wote walinipa ushirikiano mkubwa. 

Mwisho ningependa kutoa shukrani kwa  Ferguson na Sir Bobby Charlton kwa mara zote kunifanya nijihisi nipo nyumbani kwa wakati wote niliokuwa Manchester United.”