Louis van Gaal ameshafukuzwa rasmi kunako klabu ya ya Manchester United na dalili zote zinaonesha kwamba Mourinho ndiye mtu atakayechukua nafasi ya Mdachi huyo.
Mourinho ambaye aliondoka Chelsea baada ya kufukuzwa mwishoni mwa mwaka jana kutokana na mfululizo wa matokeo mabaya kwa mabingwa watetezi wa EPL kwa wakati huo, ndiye mwenye kupewa nafasi kubwa sana.
Kocha huyo mreno pamoja na kwamba amefanikiwa kushinda makombe kwenye nchin tofauti barani ulaya lakini hajawahi kukaa kwenye klabu moja kwa zaidi ya miaka mitatu na miezi 3 aliyokaa wakati akiwa Chelsea katika awamu ya kwanza.
Jambo hilo limepelekea kocha msaidizi na nahodha wa zamani wa Man United, Phil Neville kuzungumza kwamba Mourinho hatokaa muda mrefu OT lakini ataipa makombe.
‘Sioni kama atakaa muda mrefu pale Man Utd, labda miaka miwili au mitatu,’ Neville aliiambia BBC Radio jana.
‘Wakati Jose anapoondoka katika klabu huondoka huku akiwa amekosana na baadhi ya wachezaji wake.
‘Jambo hili lilitokea akiwa Chelsea, pia wakati anaondoka Real Madrid – kulikuwa na taarifa aligombana na baadhi ya wachezaji wake.
‘Hii ndio system ya Jose, anakuja kwenye klabu, anapata mafanikio lakini hakai kwa muda mrefu.’
United mpaka leo wameshindwa kumaliza juu zaidi ya nafasi ya 4 katika Premier League tangu Sir Alex Ferguson alipostaafu.
0 comments:
Post a Comment