MAJIBU YA MOURINHO BAADA YA KUULIZWA KAMA ATAMRITHI VAN GAAL

Jose Mourinho ametoa pongezi kwa Louis van Gaal na Manchester United baada ya kushinda kombe la FA jana baada ya kuwafunga Crystal Palace kwa mabao 2-1 lakini amekataa kuzungumza chochote kuhusu tetesi za kujiunga na miamba hiyo.

Kwa mujibu wa vyanzo mbalimbali, Mreno huyo anatarajiwa kurithi mikoba ya Van Gaal licha ya kuchukua kombe la FA.

Mapema wiki ijayo Mourinho atatangazwa rasmi kuwa kocha Man United mara baada ya mazungumzo kati yake na Makamu Mwenyekiti Mtendaji wa klabu hiyo Ed Woodward na baadhi ya wanafamilia ya Glazer kukamilika .

Mourinho alibaki kimya wakati alipoulizwa swali kama amekubali kurithi mikoba ya Van Gaal ama la, kabla ya kuulizwa tena kama ana neno lolote juu ya ushindi wa Man United kwenye kombe la FA.

"Nawapa pongezi nyingi sana," alijibu.