LUIS SUAREZ AELEZEA MASAIBU ALIYOPITIA KWENYE MAISHA YAKE YA SOKA TANGU AKIWA MDOGO (VIDEO)

Luis Suarez amefunguka juu ya ugumu aliokumbana nao katika historia ya maisha yake ya soka.

Suarez ambaye ambaye ameibuka mfungaji bora wa La Liga na Ulaya kwa ujumla msimu huu baada ya kupachika mabao 40, amesema amepitia kipindi kigumu sana hasa wakati anaanza kujihusisha na soka kutokana na wakati mwingine kukosa hata nauli ya kupanda basi kuelekea mazoezini.

Suarez anasema kwamba alikuwa akiondoka nyumbani saa mbili na nusu kabla ya muda kamili wa mazoezi ili kuwahi kutokana na kutembea mwendo mrefu kwa miguu kwa sababu ya kukosa nauli ya kupanda basi.

Suarez amesisitiza kuwa hali hiyo ilimuongezea morali na kuongeza juhudi, ubunifu na maadili ya kipaji chake. Ameongeza kuwa mpaka leo hali hiyo imesababisha aone kila pasi pindi awapo uwanjani ni muhimu hata kama wapo mbele kwa zaidi ya magoli matano mpaka ahakikishe kwamba dakika 90 zimekamilika.

Suarez pia amegusia uhamisho wake kwenda Barcelona na kusema kuwa kulikuwa na uwezekano mkubwa sana kwake kwenda Real Madrid, lakini punde tu Barcelona walivyoonesha nia ya kumtaka akaona ni mahali sahihi kwake na kuamua kujiunga na miamba hiyo.