CARRAGHER ATOA YA MOYONI JUU YA UJIO WA MOURINHO MANCHESTER UNITED

Legend wa Liverpool Jamie Carragher amemtabiria mafanikio makubwa Jose Mourinho atakajiunga na Manchester United.

Mourinho maarufu kama "The Special One" anataraji kuchukua mikoba ya Louis van Gaal baada ya United kuamua kumtimua jana.

Van Gaal ameipa United ubingwa wa kwanza tangu kuondoka kwa Sir Alex Ferguson mwaka 2013 Jumamosi wiki iliyopita baada ya kuifunga Crystal Palace kwa mabao 2-1 na kuchukua ndoo ya FA.

Hata hivyo, ubingwa huo haukutosha kulinda kibarua chake, na baadala yake United wameamua kumtimu na nafasi yake kuwa mbioni kuzibwa na bosi wa zamani wa Chelsea Jose Mourinho.

Wakati watu wengine wakiamini Mourinho si mtu sahihi kurithi mikoba ya Mdachi huyo, Carragher yeye anaamini kwamba Mourinho ni chaguo sahihi kwa Mashetani Wekundu hao na kurudisha imani ya mashabiki iliyopotea kwa klabu yao.

"Jose ana sifa ya kuchukua makombe na kuleta mafanikio kwenye klabu – na hicho ndicho Manchester United wanakitaka," alisema .

"Hata kama si mtu wa kuamini vijana na kufundisha aina ya soka la tofauti na flsafa ya United lakini bado ni mtu sahihi wa kuirudisha United katika zama za Ferguson.

"Nadhani ataleta mafanikio makubwa United kwa sababu amefanya hivyo katika kila klabu aliyopita."