BLIND AWA MCHEZAJI WA KWANZA KUZUNGUMZIA KUFUKUZWA KWA LOUIS VAN GAAL

Beki wa Manchester United Daley Blind amekoa uamuzi wa klabu yake kumtimu aliyekuwa kocha wa klabu hiyo Louis van Gaal.

Blind, alisajiliwa na Van Gaal kutoka Ajax mwaka 2014 kwa ada ya paundi milioni 13.8 2014, amesema ameshtushwa na taarifa za kufukuzwa kwa kocha huyo ambaye ni Mdachi mwenzie.

Blind, amekuwa ndiye mchezaji wa kwanza kuzungumza hadharani baada ya Van Gaal kutimuliwa na kusema: "Nimefurahi sana kupata nafasi ya kufanya kazi na Van Gaal.

"Ningependa sana kuona anaendelea kubaki klabuni hapo.

"Meneja yoyote katika klabu kubwa hapa Ligi ya England mara zote lazima awe chini ya presha kubwa sana.

"Lakini kwa kesi ya Van Gaal hakupewa nafasi nzuri, amekuwa akikosa sapoti kwa takriban miezi sita sasa.

"Nadhani kocha kama Van Gaal ambaye amepata mafanikio makubwa kwenye maisha yake ya kufundisha, alihitaji kupata heshima kubwa zaidi.

"Bila kujali kilizungumzwa na kitu gani juu yake kama kocha, lakini hakusita kuwatetea wachezaji wake.

"Amekuwa akitutetea katika hali tofauti tofauti.

"Nadhani naweza kusema kwamba wachezaji wote wanampenda kutokana na namna alivyokuwa akiishi na sisi.

"Sisi kama wachezaji tulikuwa tukiaminiana, vivyo hivyo kwa kocha wetu, kitu ambacho kilipelekea hata kushinda kombe la FA

"Tumeafanikiwa kufanya hivyo kutokana na mshikamano tuliokuwa nao, akiwemo kocha piar. Lakini mwisho wa siku, huu umekuwa ni msimu mzuri sana kwetu kwa maon yetu sisi kama wachezaji."