VAN GAAL ATOA KAULI YA KUSHANGAZA KUELEKEA MCHEZO DHIDI YA ARSENAL LEO

Kocha wa Manchester United Louis van Gaal amesema kwamba, kwa sasa Arsenal ni timu iliyo kwenye 'level' nyingine kulinganisha na timu zilizobaki kwenye Ligi ya England.

Arsenal ambao kwa sasa wapo nafasi ya tatu, wanakutana na United leo katika dimba la Old Trafford, wakiwa na nia ya kupunguza pengo la pointi tano dhidi ya vinara  Leicester City, ambao jana walipata ushindi wa bao 1-0 dhidi ya Crystal Palace. 

United, wakiwa wameshinda mchezo mmoja katika mechi nne za ligi zilizopita, wanahitaji ushindi kwa udi na uvumba ili kujihakikishia kubaki katika mbio za ubingwa ama nafasi ya kushiriki ligi ya mabingwa Ulaya msimu ujao.

Hata hivyo, Van Gaal anahisi kuwa mchezo wao dhidi ya Washika Bunduki hao utakuwa ni mgumu, akirejea kipigo cha magoli 3-0 alichokipata kutoka kwa wapinzani wao mwezi  Oktoba mwaka jana, magoli yaliyofungwa na nyota hatari Alexis Sanchez na Mesut Ozil. Magoli hayo yalifungwa ndani ya dakika 20 tu za kipindi cha kwanza.

"Walikuwa ni wao pekee kuweza kutufunga magoli 3-0," alisema Van Gaal. "Wapo katika level nyingine hawa."

“Arsenal ni moja ya timu bora hapa Ligi Kuu England lakini wanachokosa wao ni 'consistence' tu.