UNAIONDOA SIMBA KWENYE MBIO ZA UBINGWA!!!, MAYANJA ANASEMAJE?

Kocha Mkuu wa Simba, Jackson Mayanja amewashangaa wanaoindoa timu yake katika mbio za kuwania ubingwa.

Mayanja amesema Simba imepoteza mchezo wake kwa kufungwa mabao 2-0 dhidi ya Yanga, lakini wao wanachukulia ni sehemu ya mchezo.

Akasisitiza, Simba ina nafasi ya kuwa bingwa kama ilivyo kwa Azam FC na Yanga, hivyo si sawa kuibeza.

"Sisi tuna mechi kumi mkononi, Yanga na Azam wana kumi na moja. Utaona bado ushindani mkubwa kileleni. Si sahihi kusema hatuna nafasi," aliiambaia Salehjembe.

"Sasa tumeweka akili kwenye Kombe la Shikirisho, mechi tunacheza na Singida United. Tunataka kushinda na baada ya hapo, tutakwenda kupambana tena kwenye Ligi Kuu Bara," alisema.

Simba iko katika nafasi ya tatu nyuma ya Yanga ambao ni vinara na Azam FC inayoshika nafasi ya pili.