Pigo moja, mbuyu chini! Ndivyo unavyoweza kusema baada ya Atletico Madrid ya Diego Simone kufanya mambo yake kwa kuwatandika Real Madrid kwa bao 1-0 katika mechi ya La Liga.
Madrid ndiyo waliokuwa nyumbani Santiago Bernabeu lakini wakashindwa kuonyesha cheche inavyotakiwa kwa kukubali kipigo hicho.
Timu hizo zilikwenda mapumziko kukiwa hakuna aliyepata bao, lakini Antoine Griezmann kama alivyokuwa akitarajiwa kuchoma nyumba ya Madrid, akafanya hivyo kwa kufunga bao katika dakika ya 53.
Juhudi za Cristiano Ronaldo na James Rodriguez wakiongozwa na Luka Modric katika kiungo kutaka kusawazisha, hazikuzaa matunda na kufanya Real Madrid iendelee kujishindilia katika nafasi ya tatu huku Atletico ikiongeza kasi kuifukuza Barcelona kileleni.
0 comments:
Post a Comment