WENGER SASA AANZA KUMCHOKA GIROUD, HII NDIO KAULI YAKE

Arsene Wenger amemuonya Olivier Giroud na kumwambia kwa sasa, asibweteke tena kwa kuwa sio mshambuliaji chaguo namba moja tena klabuni hapo.

Wenger amesema kwa sasa hakuna namna, isipokuwa ni wote kwa pamoja yaani Walcott na Giroud lazima wacheze kwa zamu kulingana na ugumu wa mchezo.

Giroud anatarajiwa kuongoza mashambulizi katika mchezo wa leo wa kombe la Capital One dhidi ya mahasimu wao Tottenham.

Wenger alisema: "Kwa sasa lazima kuwe na ushindani kati ya Olivier Giroud na Theo Walcott. Wakati mwingine mmoja akicheza watu huuliza, 'kwa nini umemchezesha huyu na si yule?'

"Unapokuwa na washambuliaji wawili wa kiwango cha juu, kuna baadhi ya michezo ambayo Giroud atacheza na mingine Walcott atacheza. Kwa sasa hakuna tena atakayecheza mechi zaidi ya 60 games kwa msimu.

"Tunachotakiwa kwa sasa ni kufanya maamuzi sahihi katika mchezo sahihi. Giroud ni kijana mwenye mtazamo chanya mara zote.

"Ni mtu imara sana na, ni mtu mwenye kujutia makosa mara zote, na kurudi kundini. Nadhani ana hazina fulani hivi mchezoni.

"Kuwa na vijana hawa wawili ni jambo la kuvutia sana kikosini kwa sababu wote wanaleta vitu tofauti uwanjani.

"Giroud anaweza kuulinda na kuuhifadhi mpira na kuwafanya wachezaji wengine wacheze.