WACHEZAJI WATANO WALIOPATA WAKATI MGUMU CHINI YA UTWALA WA MOURINHO

Jose Mourinho ni moja ya makocha wenye heshima kubwa sana katika ulimwengu wa soka, anajulikana kama "Special One" kama ambavyo mwenyewe pia hujiita.

Mourinho ametajwa kwenye orodha ya makocha watano walioshinda Kombe la UEFA akiwa na timu mbili tofauti, ambapo aliandika rekodi hiyo akiwa na Porto mnamo mwaka 2004 na Inter Milan mwaka 2010.

Lakini katika maisha yake ya ukocha akiwa klabu ya FC Porto, Chelsea, Inter Milan na Real Madrid, kuna baadhi ya wachezaji ambao waliteseka zaidi kutokana na uwepo wake.

Hapa kuna orodha ya wachezaji 5 ambao maisha yao ya soka yalikuwa machungu kutokana na Jose Mourinho:

Juan Cuadrado

Mkolombia huyu alikuwa mchezaji aliyecheza katika kiwango bora kwenye Kombe la Dunia mwaka jana nchini Brazili, ambapo alifunga bao moja na kutengeneza pasi 4 za magoli kwa timu yake ya taifa.

Cuadrado alijiunga na Chelsea akitokea klabu ya Fiorentina  ya Italia mwezi Februari mwaka huu na kusaini mkataba wa miaka minne na nusu kwa ada ya pauni milioni 23.3 huku Mohamed Salah akielekea huko huko kwa mkopo hadi mwisho wa msimu.

Lakini alishindwa kuonesha makali yake katika dimba la Stamford Bridge chini ya kocha Jose Mourinho.

Juan Mata

Mata alijiunga na Chelsea akitokea kunako klabu ya Valencia mwaka 2011, alitoa mchango muhimu katika ushindi wa Chelsea wa Ligi ya Mabingwa kwa mara ya kwanza pale alipotengeneza pasi kwa Didier Drogba katika fainali dhidi ya Bayern Munich na pia alishinda Ligi ya Europa na Kombe la FA akiwa na klabu hiyo.

Mnamo mwaka 2013, Mata, Oscar na Hazard waliunda safu ya ushambuliaji yenye nguvu katika Ligi Kuu ya Uingereza, na Mhispania akawa mchezaji bora wa Chelsea wa mwaka mara mbili mfululizo.

Tangu Jose Mourinho arudi Chelsea mwaka 2013, Mata aliishia kuwekwa bechi ilhali kocha akibaki kumtumia Oscar kama kiungo mshambuliaji wa kati na Andre Schurrle kama winga.

Baadaye mwezi Januari mwaka 2014, Mhispania huyo aliiondoka klabuni hapo na kujiunga na Manchester United.

Kaka

Baada ya kushinda tuzo mchezaji bora wa FIFA wa dunia mwaka vile vile kuchukua taji la Ligi ya Mabingwa akiwa na AC Milan, Kaka alijiunga Real Madrid kwa ada ya uhamisho Yuro 65,000,000 mwaka 2009, katika msimu wake wa kwanza akiwa Santiago Bernabeu, raia huyo wa Brazil alifanya vizuri.

Hivyo basi, wakati Jose Mourinho alipoteuliwa kuwa kocha mpya wa Madrid mwaka 2010, Kaka alianza taratibu kupoteza nafasi yake katika kikosi cha kwanza cha Madrid.

Mohamed Salah

Salah alikuwa akiangaliwa kwa jicho la karibu na vilabu kadhaa kutoka Ligi Kuu ya Uingereza baada ya ya kuwatungua Chelsea mabao mawili wakatia akiwa FC Basel katika michuano ya Ligi ya Mabingwa Ulaya, na ndipo Jose Mourinho alipomsajili raia huyo wa Misri kwa ada ya pauni milioni 11.

Tangu ajiunge na Chelsea mwezi Januari mwaka 2014, Salah aliishia kukaa benchi kabla ya kupelekwa kwa mkopo kunako klabu ya Fiorentina.

Iker Casillas

Casillas aliyeanza maisha yake ya soka katika timu vijana ya Real Madrid mwaka 1990 na kupanishwa kikosi cha kwanza mwaka 1999, tangu wakati huo, kipa huyo mzoefu aliisaidia Los Blancos kushinda mataji matano ya La Liga, mataji ​​mawili ya Copa Del Rey, mataji matatu ya Ligi ya Mabingwa na vikombe vingi zaidi katika misimu kumi na sita.

Akiwa chini ya kocha Jose Mourinho, Casillas alianza kuwekwa benchi kwa kwa wababe hao wa Uhisapania katika mechi dhidi ya Malaga na kumtumia Antonio Adán kabla Mreno huyo kumsajili Diego Lopez kutoka Sevilla na kupata nafasi ya kudumu.

Hali hiyo ilileta huzuni kubwa nchini Hispania hasa kwa mashabiki wote wa Casillas baada ya kumwona kipa huyo maridadi akiishia kukaa benchi kwa muda mrefu.