MLINZI HUYU WA MAN U ANAMUOGOPA VAN GAAL BALAA!!!

Beki wa Manchester United Muargentina Marcos Rojo, amekiri kutishwa na uso wa kocha wa klabu hiyo Luis Van Gaal, akiufananisha na 'uso wa mbwa mkali'

Mapema kabisa wiki hii kulikuwa na taarifa kuwa wachezaji waandamizi wa klabu hiyo kuhusu mbinu zake ngumu za ufundishaji ambazo zinawapa wakati mgumu wachezaji hao.

Rojo, ambaye mpaka sasa hajacheza hata mchezo mmoja tangu ufunguzi wa ligi, hakujumuika na timu yake wakati wa maandalizi ya msimu mpya (pre-season) kutokana na tatizo la pasi yake ya kusafiria (passport).

"Ana muonekano unaotisha kwa kweli, lakini bado ni mtu mzuri tu. Ana uso wa mbwa, lakini ni mtu safi sana, mwanzo ukimuona unaweza kumkimbia, lakini kadri unavyomzoea unaona utofauti, lakini hiyo, ni endapo utamsikiliza anachokwambia," alisema Rojo.

Mshambulizi wa zamani wa United Diego Forlan amedai kuwa Van Gaal "kamwe hajawahi kuwa na mapenzi na wachezaji wenye asili ya Amerika ya Kusini" lakini Rojo amesisitiza kuwa hajawahi kufanyiwa baya lolote na Mdachi huyo.

"Labda hali hiyo inatokana na mahusiano yake mabaya na Roman [Riquelme] au Angel di Maria ambaye ameondoka, watu wengine wana mtazamo tofauti kabisa, lakini ninachoona mimi hapa ni kwamba wote anatupa usawa".