Mshambuliaji wa Mancheseter United Memphis Depay, amesema atashangilia endapo ataifunga timu yake ya zamani ya PSV wakati timu hizo zitakapokutana usiku wa leo katika kinyang'anyiro cha michuano ya Ligi ya Mabingwa barani Ulaya (UEFA).
Mamphis (21), anarudi katika ardhi ya nyumbani kwao, kupambana na klabu ambayo aliondoka miezi michache iliyopita katika dirisha la usajili lililofungwa hivi karibuni, baada ya kusajiliwa kwa ada ya pauni milioni 22.3. Amesisitiza, licha ya kwamba bado ana mapenzi ya dhati kwa klabu yake hiyo ya utotoni, lakini, kwa sasa macho yake yote yako kwa klabu yake mpya ili kuipa mafanikio ya Ulaya.
“Nimekuwa nikiulizwa hili swali mara nyingi sana, lakini ukweli ni kwamba huu ni mchezo, na unatakiwa kujua kwamba mpira wa miguu ni mchezo wa hisia, hivyo basi nitashangilia endapo nitafunga goli”, Depay aliwaambua waandishi.
“Ni dhahiri kwamba nina heshima kubwa sana kwa PSG lakini kwa sasa naichezea Manchester, hivyo, kama nikifunga nitashangilia”.
Mchezo wa leo ni wa Kundi B, ambao utachezwa majira ya saa 3.45 usiku.
0 comments:
Post a Comment