KWA MKWANJA HUU UTAZIONA STARS, SUPER EAGLES JUMAMOSI

Baraka Kizuguto, Afisa habari wa TFF

Maandalizi ya mchezo kati ya Tanzania (Taifa Stars) dhidi ya Nigeria (Super Eagles) yamekamilika, ambapo leo Shirikisho la Mpira wa Miguu nchini (TFF) limetangaza viingilio vya mchezo huo wa Jumamosi ambapo kiingilio cha chini ni shilingi elfu saba tu.

Viingilio vya mchezo huo wa kuwania kufuzu kwa Fainali za Mataifa ya Afrika (AFCON Qaulifier 2017) kundi G viitakuwa ni VIP A Tsh 40,000, VIP B Tsh 30,000, VIP C Tsh15,000, Rangi ya Machungwa (Orange) Tsh 10,000, na viti vya rangi ya Bluu na Kijani Tsh 7,000.

Tiketi za mchezo huo zinatarajiwa kuanza kuuzwa kesho Ijumaa saa 4 kamili asubuhi katika vituo kumi vifuatavyo:

(i) Ofisi za TFF - Karume

(ii) Buguruni – Oilcom

(iii) Mbagala – Dar live

(iv) Ubungo – Oilcom

(v) Makumbusho – Stendi

(vi) Uwanja wa Taifa

(vii) Mwenge – Stendi

(viii) Kivukoni-  Feri

(ix) Posta – Luther House

(x) Big Bon – Msimbazi Kariakooo

TFF inawaomba watanzania, wapenzi na wadau wa mpira wa miguu kununua tiketi za mchezo huo katika magari yaliyopo kwenye vituo vilivyotajwa ili kuondokana na tatizo la kuuziwa tiketi zisizokuwa halali.

Jeshi la Polisi nchini kwa kushirikiana na idara nyingine za kiusalama wameandaa usalama wa kutosha kuelekea  mchezo huo.

Mchezo huo utaanza saa 10:30 jioni kwa saa za Afrika Mashariki ikichezeshwa na waamuzi kutoka nchini Rwanda ambao wanatarajiwa kuwasili leo jioni pamoja na kamisaa wa mchezo huo.

Waamuzi wa mchezo huo ni Louis Hakizimana (mwamuzi wa kati) Honore Simba (mwamuzi msaidizi), Jean Bosco Niyitegeka (mwamuzi msaidizi), Abdoul Karim Twagiramukiza (mwamuzi wa akiba) wote kutoka Rwanda na kamisaaa ni Charles Kasembe kutoka nchini Uganda.