KOCHA BORA,MCHEZAJI BORA WA MWEZI EPL WATANGAZWA

Kocha wa Manchester City Manuel Pellegrini, ametajwa kuwa kocha bora wa mwezi Agosti wa Ligi Kuu nchini Uingereza.

City ndio timu pekee ambayo mpaka sasa imeshinda michezo yake yote huku ikiwa haijaruhusu hata bao moja kutikisa nyavu zake.

Katika kinyang'anyiro hicho, Pellegrini amewashinda makocha wenzake Alan Pardew (Crystal Palace), Garry Monk (Swansea) na Claudio Ranieri.

Wakati huo huo, kiungo mshambuliaji wa Swansea Mghana Andre Ayew ameshinda tuzo ya mchezaji bora, baada ya kufunga magoli matatu katika michezo yake minne, huku ukiwa ndio msimu wake wa kwanza kabisa EP akitokea Ufaransa kunako klabu ya Marseille.