HAWA NDIO WACHEZAJI AMBAO COSTA HATAKIWA KABISAA KUWAGUSA

5. Nigel De Jong – AC Milan

Huyu ni Mholanzi ambaye kwa sasa, anakipiga kunako klabu ya AC Milan. De Jong amekuwa na matukio mengi katika kipindi chake chote cha maisha ya soka, moja ya matukio ya kukumbukwa ni pale alipomrukia kiungo wa Hispania Xabi Alonso, mithili ya mcheza kung-fu wakati wa mchezo wa fainali ya kombe la dunia.

Huyu anawekwa kwenye kundi la moja ya wachezaji wenye roho za kikatili zaidi kuwahi kutokea katika ulimwengu wa soka. Katika kipindi chake akiwa na Manchester City;aliwahi kumfanyia faulo mbaya sana kiungo wa zamani wa Newcastle Hatem Ben Arfa ambayo ilimweka nje kwa miezi kadhaa.

4. Luis Suarez – FC Barcelona

Kila mmoja anamfahamu kwa uzuri kabisa Luis Suarez, sio tu kama moja ya washambuliaji bora duniani kwa sasa bali mchezaji mkorofi sana mwenye tabia ya kung'ata wapinzani wake uwanjani, ameshawang'ata wachezaji kama Branslav Ivanovic wa Chelsea na Georgio Chiellini wa Italy wakati wa kombe la dunia.

Wakati akikipiga kunako klabu ya Liverpool, pia alihusishwa na kutoa lugha ya kibaguzi dhidi ya beki wa zamani wa klabu ya Manchester United Patrice Evra.

3. Mario Balotelli – AC Milan

‘Why always me’ (Kwa nini mimi tu mara zote), Mshambuliaji huyo raia wa Italia kwa kufanya chochote atakacho pindi awapo uwanjani bila ya kujizuia wala kuhofia chochote.

Wakati akicheza kwenye klabu ya Manchester City; Balotelli aliwahi kupigwa faini ya pauni 100,000 kwa kumrushia kijiti mchezaji wa timu ya vijana, lakini vile vile kuingia katika ugomvi na bosi wake Roberto Mancini.

2. Joy Barton – Burnley

Barton ni moja ya wachezaji wachache sana ulimwenguni kuonja ladha ya jela na kuvunja pia rekodi ya ligi kuu Uingereza kwa kupata kadi za njano saba mfululizo.

1. Adebayo Akinfenwa – AFC Wimbledon

Huyu wanamwita mnyama ama mchezaji mwenye mwili jumba zaidi katika ulimwengu wa soka, Muingereza huyo, ambaye anakipiga kunako klabu ya daraja la pili ya AFC Wimbledon, amesema kuwa atamfanya vibaya Diego Costa endapo mchezaji huyo atamletea mabo ya ajabu uwanjani.

“Kama akiniletea masuala ya ajabu, nitamfanyia kitu cha ajabu Diego Costa”, aliwaambia waandishi.

“Kuna mshindi mmoja tu kama ikitokea kati yangu na yeye tukakwazana”.