YANGA YAANIKA HATMA YA KITASA CHAO KUTOKA TOGO....

Bossou (kulia) akimdhibiti Didier Drogba kwenye moja ya mechi waliyochuana 

Mabingwa wa kandanda Tanzania bara wameridhika na kiwango cha beki wao mpya, Vincent Bossou kutoka Togo na wanatarajia kumsainisha mkataba wa miaka miwili.

Mkuu wa Idara na Mawasiliano wa Yanga, Jerry Muro,  amesema wanaamini kuongezeka kwa mlinzi huyo wa kimataifa mwenye uzoefu kutaifanya timu iwe imara zaidi katika safu ya ulinzi.

“Yanga imeridhishwa na kiwango cha mchezaji Vicent Bassou ambaye alikuja kwetu kutoka Togo ambako anaichezea timu ya Taifa” Amesema Muro na kuongeza: “Jana alicheza mchezo wake, japokuwa alipumzishwa, lakini sisi kama klabu tumeamua kuingia naye mkataka wa miaka miwili na ataanza kuitumikia rasmi klabu katika michuano ijayo  ya ligi kuu Vodacom Tanzana bara na michuano ya kimataifa”.

“Sisi kama Yanga tunaamini tunavyozidi kwenda mbele, ndivyo mchezaji huyu atazidi kupata fursa ya kukaa na wenzie na kuzoeana na kujenga timu ya mfumo wa pamoja”.