AZAM WANAWEZA KUJIBU MAPIGO YA YANGA LEO?

Yanga jana imewatumia salamu Azam FC waliopiga kambi visiwani Zanzibar baada ya kuifunga 3-2 Mbeya City FC katika mechi ya kirafiki iliyopigwa uwanja wa Sokoine Mbeya.

Mabingwa hao wa kandanda Tanzania bara wameshinda mechi zote tatu walizocheza huko Mbeya. 

Waliichapa 4-1 Kimondo FC na wakaifumua 2-0 Tanzania Prisons.

Wakati Wanajangwani waking'ara huko Mbeya, nao Azam FC wanafanya vizuri Zanzibar kwani wameshinda michezo yote zote miwili waliyoshuka dimbani.

 Waliitandika 1-0 KMKM na wakashinda 3-0 dhidi ya Mafunzo ya Zanzibar.

Leo majira ya saa 1:00, Azam, miamba ya kandanda Afrika Mashariki na Kati inacheza mechi ya tatu ya kirafiki dhidi ya JKU kwenye uwanja wa Amaan Zanzibar.

Je, Azam watajibu mapigo ya Yanga ya kushinda mitanange mitatu mfululizo?