ALICHOSEMA MWAMBUSI BAADA YA KUDUNDWA 3-2 NA YANGA SC

Licha ya kufungwa 3-2 na Yanga SC katika mechi ya kirafiki iliyopigwa jana uwanja wa Sokoine, Mbeya, kocha mkuu wa Mbeya City FC, Juma Mwambusi ameridhishwa na kiwango cha wachezaji wake wapya.

“Bado tupo katika maandalizi, wiki chache zilizobaki nahakikisha nakamilisha maandalizi yangu, mechi ya jana dhidi ya Young Africans ambao walikuwa wameshafanya mazoezi kwa muda mrefu”. Ameeleza Mwambusi na kuongeza: “Wamenipa nafasi nzuri ya kuangalia kikosi changu. Nimeona mapungufu ya timu, kama unavyojua,  tuliondokewa na wachezaji wengi, tumepata wapya, ninawasifu kwa mchezo wa jana licha ya ugeni wao, walicheza vizuri, mimi sikuangalia matokeo, nawapa sifa kwamba walifanya vizuri”