Robin van Persie kwa kile kisichoeleweka, ameamua kutotoa shukrani zake za dhati kwa meneja wake wa zamani Louis van Gaal, wakati alipokuwa akiishukuru klabu ya Manchester United kwa mchango wao kwake wakati akitambulishwa katika klabu yake mpya ya Fenerbahce.
Mchezaji huyo wa kimataifa wa Uholanzi, alipokelewa na takribani mashabiki 18,000 waliofika katika dimba la Sukru Saracoglu, ambapo ndio maskani ya Fenerbahce wakati alipokuwa akimalizia uhamisho wake baada ya ufalme wake kuanguka Old Trafford.
Magoli 26 ya Van Persie katika msimu wake wa kwanza akiwa Old Trafford, yaliipa ubingwa Man United 2012/13 huku pia yakimfanya aliyekuwa kocha wa klabu hiyo Sir Alex Ferguson kuagwa kwa heshima zote baada ya kuamua kustaafu kufundisha soka, lakini majeraha ya mara kwa mara hasa msimu uliopita yalimkosesha nafasi ya kudumu katika kikosi cha kwanza chini ya kocha Mdachi mwenzie Van Gaal.
Akitambulishwa rasmi jijini Istanbul, Van Persie, kwa majozi kabisa, alitoa shukrani zake za dhati kwa Mwenyekiti msaidizi wa Man U Ed Woodward - lakini cha kushangaza aligoma kumshukuru kocha wake wa zamani Van Gaal kwa heshima ile ile.
“Nilikuwa na wakati mzuri sana na wachezaji wenzangu kabla sijaondoka", Van Persie aliwaambia wanahabari. “Kila mtu katika timu alionesha kuthamini mchango wangu nilioutoa katika timu. Hicho kitu kimenifanya nijisikie vizuri sana hata kama naondoka”.
Wakati huo huo alimuingilia Mkalimani wake na kuongeza kuwa: “Tafadhali ngoja niongeze mtu momoja wa kumshukuru ambayee ni muhimu sana.
“Kwa moyo mkunjufu kabisa, napenda kumshukuru kwa mchango wake mkubwa Mwenyekiti Mkuu Msaidizi Ed Woodward kwa kufanikisha uhamisho huu. Ni mtu ambaye alikuwa makini sana katika kipindi chote hiki. Mtu mwenye hekima za ukweli.
"Ed, kama unanisikiliza au kuangalia, asante sana!"
0 comments:
Post a Comment