TEGETE AIBUKA KUKIPIGA NDONDO CUP, TIMU YAKE YABANJULIWA

Mshambuliaji wa zamani wa klabu ya Yanga Jeryson Tegete leo alikuwa mmoja wa wachezaji wa kikosi cha Tabata FC kilichotandikwa kwa goli 1-0 kwenye mchezo wa leo wakati kikichuana na Mgeninani FC kwenye uwanja wa Shule ya Sekondari ya Benjamin Mkapa kuwania kombe la Sports Xtra Ndondo Cup michuano inayodhaminiwa na Dr. Mwaka.

Tegete aliingia kipndi cha pili akitokea benchi huku kikosi chake kikiwa nyuma kwa goli 1-0 lakini Tegete pamoja na wenzake hawakuweza kubadili matokeo hayo kwani hadi dakika 90 zinamalizika Mgeninani waliweza kuibuka na pointi tatu muhimu.

Hivi karibuni klabu ya Yanga ilitangaza orodha ya wachezaji iliyoamua kuwakacha, jina la Tegete lilikuwa miongoni mwa majina yalioyoachwa na kikosi hicho. Tegete amekuwa akihusishwa kujiunga na timu ya Mwadui FC ya Shinyanga iliyopanda daraja kucheza ligi kuu msimu ujao.

Hizi ni taswira mbalimbali zikionesha matukio tofauti jinsi Tegete akiwa uwanjani