RIO FERDINAND AMTUMIA UJUMBE HUU DAVID DE GEA

Mlinzi wa zamani wa klabu ya Manchester United na timu ya taifa ya England, mkongwe Rio Ferdinand amemtumia ujumbe golikipa David de Gea ili asiihame klabu yake ya Manchester United.

David de Gea ambaye takribani miezi sasa amekua akihusishwa na kujiunga na miamba ya soka nchini Hispania, Real Madrid.

Pamoja na ukweli kwamba Manchester United hawajapokea ofa yeyote ya kiofisi kwa mchezaji huyo lakini tetesi za chini chini zinasema golikipa huyo atatimkia Madrid.

Rio Ferdinand ambaye aliichezea klabu ya Manchester United kwa miaka mingi, amejikuta akiishabikia timu hiyo na sasa hafurahii kuondoka kwa kipa huyo mhispania.

Katika ukurasa wake wa Instagram, Rio alipost video iliyokuwa na maneno yake mwenyewe na sauti ya wimbo uliosikika, 'please don't go' yaani tafadhali usiondoke. Huku akitaja jina la David de Gea.

Ferdinand anapata wasiwasi huenda lisemwalo likawa lipo na mara baada ya kumalizika mchezo wa pili wa klabu yake ya Manchester United na San Jose Earthquakes, Rio alitwiti kuuliza sababu za kutochezeshwa David de Gea.

Itakumbukwa kuwa golikipa huyo amekataa ofa iliyopo mezani hivi sasa ya pauni 200,000 kwa wiki aendelee kuitumikia klabu hiyo ya mjini Manchester.