OLISEH KOCHA MPYA NIGERIA

Kocha mpya wa Nigeria Sunday Oliseh (katikati) akitambulishwa rasmi leo

Mchezaji wa zamani wa ‘The Supe Eagles’ Sunday Oliseh ametangazwa na Shirikisho la Mpira wa Miguu la nchini Nigeria (NFF) kuwa kocha mpya wa kikosi cha Nigeria.

Nahodha huyo wa zamani wa Nigeria ataanza kazi haraka iwezekanavyo akichukua nafasi ya mchezaji mwezake wa zamani kwenye kikosi cha Nigeria Stephen Keshi ambaye mkataba wake umevunjwa mwanzoni mwa mwezi huu.

Rais wa NFF Amaju Pinnick amemfananisha Oliseh na Pep Guardiola na kuongeza kuwa, anaamini kocha huyo mpya wa Nigeria atafanikiwa.

Pinnick ameongeza kuwa, Oliseh atapewa sapoti ya kutosha akiwa kama kocha wa Super Eagles: “Naweza kuwaambia kwamba, tumemsaini Pep Guardiola wetu. Ni Pep Guardiola wa kiafrika, na ninaimani kuwa atafanikiwa. Kwa upandewetu sisi tutafanya kila tuwezalo kuhakikisha Oliseh anafanikiwa kwa kumpa sapoti kwa asilimia 100”, alisema Pinnick wakati wa kumtambulisha Oliseh.