HII NI DALILI TOSHA KWAMBA LIVERPOOL WANASAJILI MTAMBO HUU WA MAGOLI

Wakati huu tunasubiri Christian Benteke kukamilisha usajili wake Liverpool kutokea Aston Villa kwa dau la paundi milioni 32.5, gazeti la L'Equipe la Ufaransa tayari limeripoti kwamba Villa wanaiwinda saini ya Mfaransa kuziba pengo hilo.

Ukurusa wa mbele wa gazeti hilo leo umeandika kwamba Aston Villa wanaiwinda saini ya straika wa Monaco, Anthony Martial.

Martial ambaye pia anahusishwa kujiunga na Tottenham majira haya ya kiangazi, tayari ameongeza mkataba na Monaco ambao utamalizika 2019.

Martial alifunga magoli 9 katika ligi ya Ufaransa, Ligue 1 na Monaco wanahitaji dau la paundi milioni 10 ili kumuuza mshambuliaji huyo mwenye miaka 19.

Kitendo hiki cha Aston Villa kutafuta nyota mpya ni dalili kwamba Liverpool wanamsajili Benteke bila kipingamizi.

Angalia video  inayoonesha uwezo wa Anthony Martial katika msimu wa 2014-15.