HABARI NYINGINE MBAYA ZAIDI KWA MASHABIKI WA MANCHESTER UNITED

Kocha mpya wa Real Madrid, Rafa Benitez jana katika mkutano na waandishi wa habari nchini Australia ameulizwa hatima ya beki wake, Sergio Ramos.

Ramos, 29, amekuwa gumzo majira haya ya kiangazi na inaelezwa kwamba Mhispania huyo anataka kuondoka Real kutokana na kukosekana kwa maelewano baina yake na uongozi wa klabu.

Manchester United wamekuwa wakihusishwa kumsajili Ramos, wakati huo huo nao Real Madrid wakiomba kumsajili golikipa wa Old Trafford, David De Gea.

Je, Benitez amaejibu nini?

Kocha huyo wa zamani wa Liverpool na Chelsea amethibitisha kwamba Man United wanamuwinda Sergio Ramos, lakini akawaambia watu wengi waliohudhuria mkutano huo kuwa mlinzi huyo kisiki hauzwi.

'Kuna mengi yanazungumzwa kuhusu hatima ya Ramos. Mimi nashangaa kwasababu mchezaji mwenyewe anajituma kwenye mazoezi na anafanya kila kitu timu inataka na mimi pia ninachotaka".

Tayari Rais amezungumzia hilo kuwa Ramos atabakia klabuni.

Nimezungumza naye kwa kirefu kuhusu hatima yake. Naona Segio ni mtu muhimu kwenye timu. Ni mshindi na ndio maana tunamhitaji kwenye timu". Amesema Benitez.

Wakati huo, mpenzi wa Ramos, Pilar Rubio ambaye ni mjamzito amewaambia waandishi wa habari wiki hii kwamba atakwenda Manchester kama mpenzi wake akiuzwa na akathibitisha kwamba wameanza kujifunza kuongea kiingereza.