CHEKI WANAUME WALIVYO-SERIOUS NA KOMBE LA KAGAME

Timu zinaendelea kujiweka sawa kuelekea michuano ya vilabu bingwa Afrika Mashariki na Kati maarufu kama Kagame Cup inayotarajia kuanza kesho jijini Dar es Salaam ikishirikisha vilabu 13 toka nchi za ukanda wa Afrika Mashariki na Kati.

Klabu ya APR FC ya Rwanda imejifua leo asubuhi kwenye uwanja wa Karume katika kuelekea michuano hiyo ambayo Tanzania inawakilishwa na vilabu vitatu, Yanga SC na Azam FC zikitoka upande wa bara wakati KMKM inatokea visiwani Zanzibar.

Kocha wa mkuu wa APR Dusan Dule Suyagic amesema wamejipanga vizuri kuelekea michuano hiyo na wanawaheshimu wapinzani wote wanaoshiriki michuano hiyo na kuongeza kuwa wanatarajia kufanya vizuri kwenye mashindano hayo.

Hizi ni picha zinazoonesha matukio mbalimbali wakati timu hiyo ikifanya mazoezi kwenye uwanja wa Karume leo asubuhi.