BONIFACE PAWASA ATAMKA MAZITO KIFO CHA BANZA STONE

Banza Stone enzi za uhai wake

Baada ya msanii maarufu wa muziki wa Dansi nchini. Ramadhani Masanja 'Banza Stone',  kufariki jana mchana  nyumbani kwao Sinza, Dar es Salaam, beki wa zamani wa Simba na Taifa Stars, Boniface Pawasa amepokea kwa majonzi taarifa hizo.

Pawasa amesema Banza Stone alikuwa mtu wake wa karibu na alijifunza mambo mengi kutoka kwake kwasababu alikuwa mtu wa watu wote.

"Nimemjua Banza Stone miaka mingi sana, tangu nacheza mpira, amekuwa ni rafiki yangu, jirani yangu, nilikuwa naishi naye karibu kabisa, nimepata mshituko baada ya kusikia habari kwamba ametangulia mbele ya haki". Amesema Pawasa na kuongeza: "Namuombea kwa Mwenyezi Mungu aweze kupumzika kwa amani. Banzo alikuwa mtu anayekaa na jamii ya watu wote, vijana, watu wazima, lakini kwangu alikuwa kama Role Model wangu, Banza alikuwa ni shabiki wa Simba, klabu ambayo mimi nilikuwa naitumikia, kiukweli nimepokea kwa majonzi sana msiba wa Banza Stone"