ARSENAL MWENDAO WA KIZURI FICHA 'KWAPANI'......

Hector Bellerin amesaini mkataba wa muda mrefu

Hector Bellerin amesaini mkataba wa muda mrefu kuendelea kuwatumikia washika bunduki wa London, Arsenal.

Mabingwa hao watetezi wa FA wametangaza kumuongezea mkataba Mlinzi huyo wa kulia mwenye miaka 20 ambaye alifurahia kucheza msimu uliopita kutokana Mathieu Debuchy kuwa majeruhi.

Akicheza kwa kiwango kizuri kwenye safu ya ulinzi ya Arsenal, Bellerin alikipiga katika mechi 28 na kufunga magoli matatu.

Arsenal walimsajili Bellerin kutokea Barcelona majira ya kiangazi mwaka 2011 na mwaka mmoja baadaye aliingizwa timu ya kwanza.

Taarifa fupi kutoka Arsenal inasomeka:

"Kila mtu kwenye klabu anapenda kuona Hector anaendelea kukua katika klabu hii".