YASOME MANENO YA LIONEL MESSI KUHUSU WAYNE ROONEY

Mchezaji bora mara nne duniani,  Lionel Messi wa FC Barcelona na timu ya  taifa ya Argentina wiki hii amekuja na kumtetea mshambuliaji nyota wa klabu ya Manchester United na England,  Wayne Rooney.

Messi ametoa kauli ya kumsifia Rooney pale alipoulizwa mtazamo wake wa maneno yanayoenea chini chini hivi sasa kwamba Uingereza imeshindwa kuzalisha wachezaji wenye vipaji vya dunia kama mataifa mengine ya Amerika kusini na Uhispania.

Lakini Messi hakubaliani na mawazo hayo na kudai Uingereza wana wachezaji wenye vipaji na kusema uwezo wa Wayne Rooney ni mkubwa na anaweza kufananishwa na mchezaji yeyote yule mwenye uwezo barani Ulaya.

Messi alisema kiufundi Wayne Rooney ni mchezaji aliyekamilika na kwamba anawazidi wengi kwa mbali, huku akiongeza kwamba moyo wa Rooney kujituma uwanjani na kusaidia timu yake ni wa kipekee na mfano wa kuigwa.

Kauli hiy imekuja wakati mshambuliaji huyo wa Manchester United anakaribia kuvunja rekodi ya ufungaji bora wa muda wote wa klabu na timu ya taifa.

Aidha mchezaji wa zamani wa Barcelona na timu ya taifa ya Uingereza, ambaye ni mchambuzi wa masuala ya soka hivi sasa, Gary Lineker wiki hii aliibuka na kudai kwamba Wayne Rooney ni moja kati ya wachezaji wenye uwezo wa kipekee kuwahi kuzalishwa na Uingereza.