TPLB WATOA ANGALIZO DIRISHA LA USAJILI VPL

Boniface Wambura

BODI ya ligi kuu Tanzania bara (TPLB) imezitaka klabu za ligi kuu na ligi daraja la kwanza kuendana na kalenda ya usajili ambao mara nyingi huleta usumbufu.

Afisa Mtendaji mkuu wa TPLB, Boniface Wambura Mgoyo  amesema tayari TFF wametoa kalenda ya usajili na kuanza kwa ligi kuu, hivyo klabu ziwape fursa makocha kusajili wachezaji wanaowataka ndani ya muda uliotangazwa, wakati wao wanaendelea na maandalizi mengine ikiwemo kukagua viwanja na kuzungumza na wadhamini.

 “Maeneo mengine ambayo  Bodi inafanyia kazi ni maandalizi ya kugagua viwanja vitavyotumika. Vilevile kabla ya ligi kuanza tutakuwa na ‘Physical fitness test’ na semina kwa waamuzi na makamishina. Amesema Wambura na kusisitiza: “Pia tuna maandalizi ya wadhamini ambao tumeanza kuwasiliana nao ili kukamilisha kila kitu mapema. Kwa upande wa Azam Media wanaendelea kudhamini, tunawasiliana nao ili fungu la kwanza la fedha litoke kwa ajili ya maandalizi ya timu”.

“Haya ni baadhi ya maeneo ambayo tunayafanyia kazi, lakini tunasisitiza suala la usajili kwasababu linakuwa na matatizo. Tunajua timu za ligi kuu na ligi daraja la kwanza zinatumia usajili wa mtandao, kuna timu zimepanda na zinahitaji mafunzo kwa ajili ya usajili wa mtandao, bila shaka TFF wamejipanga kwa hilo”.