MASHABIKI WA YANGA WASUKUMA GARI LA TAMBWE KAMA MFALME

Siyo mara ya kwanza kutokea lakini hii ya safari hii inaweza kuwa ni jibu. Unakumbuka mapema mwaka huu mashabiki wa Simba walilisukuma gari la Emmanuel Okwi mara baada ya timu hiyo kupata ushindi dhidi ya JKT Ruvu kwenye Uwanja wa Taifa jijini Dar es Salaam? Sasa straika wa Yanga amejibu.

Tukio hilo lilitokea kwenye Uwanja wa Karume mara baada ya mechi hiyo ya kirafiki ambapo kundi kubwa la mashabiki wa Yanga liliisukuma gari kutoka ndani ya uwanja mpaka nje huku likimshangilia kwa kuimba “Tambwe, Tambweee, Tambweeeee!”

Jibu hilo limetoka kwa Mrundi, Amissi Tambwe ambaye mashabiki waliamua kusukuma gari lake aina ya Toyota Brevis kutokana na kufurahishwa na uwezo wake katika mechi dhidi ya Friends Rangers.

Mashabiki wengine walikuwa wakisafisha vioo vya gari hilo huku Tambwe akiwapungia mkono.

Source: Salehjembe