MADEMU WA ZAMBIA WANAKUFA WANAOZA KWA JUMA LIUZIO NDANDA, LAKINI YEYE.....

Liuzio akiwa kwenye vazi rasmi

MTANZANIA anayecheza kandanda la kulipwa Zesco United ya Zambia, Juma Ndanda Liuzio amekiri kusumbuliwa na ‘mademu’ wa Zambia kutokana na umaarufu wake wa kutandaza soka.

Liuzio ni moja ya wachezaji wa kutegemewa wa Zesco inayoshiriki ligi kuu ya Zambia na mara nyingi akiwa nje ya uwanja hupenda kunyuka suti kali zinazomfanya awe na mvuto wa aina yake.

Liuzio (kushoto)

Akizungumza na MPENJA BLOG, Liuzio amesema Wazambia wengi ni walevi na kuna changamoto nyingi za ujana, lakini yeye anajali sana kazi iliyompeleka nchini humo.

“Changamoto za ujana zipo,  kaka huku Wazambia ni walevi. Pia kuna kusumbuliwa na wasichana,  ila kikubwa ni wewe mwenyewe kujitambua. Amesema Liuzio na kuongeza: “Mie huku nimekuja kufanya kazi , so hivyo vingine huwa navidharau tu, nafanya vile vilivyonifanya niwe hapa Zambia”.