JE, UNAMFAHAMU REFA ATAYECHEZESHA FAINALI YA UEFA KESHO?

Ikiwa joto linazidi kupanda kuelekea fainal ya Uefa  kati ya Fc Barcelona dhidi ya Juventus fc, mfahamu mpuliza kipyenga CUNETY CAKIR atakayesimama kati katika dimba la ‪Olympia Stadion hiyo kesho.

Ana umri wa miaka 38 akiwa amezaliwa huko Instabul, Uturuki Nov 23, 1976, amechezesha zaidi ya michezo 170, huku mchezo wake wa kwanza wa Uefa Champions league ulikuwa kati ya ‪‎Skonto fc vs ‪‎Sliema Wanderers Julai 2003 kama kamisaa.

Aidha Sept, 29,  2010 alichezesha mchezo wa Uefa Champions League hatua ya makundi kati ya ‪‎Rubin_kazan na FC Barcelona ambapo mchezo uliisha kwa sare ya 0-0. Pia alichezesha mchezo kati ya Chelsea fc na Spartak Moscow.

Raia huyu wa Uturuk pia atakumbukwa  kwa kumpiga kadi nyekundu John Terry katika kipindi cha kwanza kwenye nusu fainali ya Uefa champions  league kati ya Chelsea fc na fc Barcelona, mchezo ulioisha kwa sare ya 2-2 na kushuhudia Chelsea fc akitinga fainali na kubeba kombe ikiwa chini ya Robert Di Mateo.

Katika michezo yote aliyochezesha dhidi ya Fc Barcelona ,  mchezo uliisha kwa sare na jamaa huyu pia atakumbukwa na mashabiki wa Manchester United baada ya kumtoa nje Luis Nani kwenye mchezo dhidi ya  Real Madrid ambao ndio ulikuwa mchezo wa mwisho wa Uefa Champions league kwa kocha Alex Ferguson.