ISOME AYA MOJA TU YA MBWANA SAMATTA BAADA YA TAIFA STARS KUTUNGULIWA 3-0

Samata (wa kwanza kulia, waliosimama)

MSHAMBULIAJI wa kimataifa wa Tanzania anayekipiga TP Mazembe ya DR Congo, Mbwana Ally Samatta amekiri kwamba Misri waliwazidi kila kitu katika kipigo cha 3-0 walichovuna Taifa Stars kwenye mechi ya  kuwania kufuzu Afcon 2017 iliyopigwa jana mjini Alexandria.

“Pambano lilikuwa gumu, jamaa walituzidi kila kitu, jamaa walitawala kila kitu, ikabidi wote tuwe na kazi ya kulinda. Mtu anapotawala mpira unakuwa na kazi nyingi, unakimbia sana uwanjani kuliko anayemiliki mpira.  Kocha atakuwa ameona makosa ya timu na atayarekebisha, mimi kama mchezaji napewa maagizo na wachezaji wenzangu”. Amesema Samatta.