ILE ISHU YA WORLD CUP YA RUSSIA NA QATAR YACHUKUA SURA MPYA...

BBC imeripoti kuwa huenda Russia na Qatar  zikapokonywa uwenyeji wa kombe la dunia 2018 na 2022 iwapo ushahidi wa ufisadi utapatikana dhidi yao.

Afisa wa FIFA Domenico Scala ameiambia jarida moja la Uswisi, Sonntagszeitung, kuwa haki ya kuandaa mashindano hayo ya dunia itakuwa katika hatari kubwa iwapo kutaibuka ushahidi wa kutosha kuwa mataifa hayo mawili yalitoa rushwa.

Hata hivyo Scala amekanusha kuwa hadi sasa hajapata kuona ushahidi wa aina yeyote dhidi ya mataifa hayo mawili.

Scala ambaye ni kiongozi wa kamati ya uhasibu na uchunguzi ameseama kuwa iwapo ushahidi utatokea kuwa uteuzi wa mataifa hayo mawili haukuwa wa kweli na haki bila shaka watapokonywa uwenyeji wa mashindano hayo.

Hadi kufikia leo hakuna ushahidi wa kutosha wa kulazimisha Russia na Qatar kuchukuliwa hatua kwa tuhuma hizo za rushwa.