ADAM LALLAN AMPA USHAURI WA BURE RAHEEM STERLING

Lallan yupo timu ya taifa ya England inayocheza na Slovenia kesho kuwania kufuzu Euro 2016

Adam Lallana amemshauri Raheem Sterling kuachana na mpango wa kuihama klabu yake ya Liverpool majira ya kiangazi mwaka huu kwasababu hapendi kukabiliana naye akiwa na jezi ya timu nyingine msimu ujao.

Lallan amesema Sterling ni mchezaji mkubwa ambaye anazungumzwa sana na vyombo vya habari, lakini anaamini atabakia Anfield kwasababu ni mchezaji mwenye kipaji cha juu na rafiki mzuri ambaye atapata mafanikio zaidi chini ya  kocha Brendan Rodgers.

Sterling amekuwa akihusishwa kuondoka Anfield kutokana na mazungumzo ya mkataba mpya kukwama, huku Manchester City wakiripotiwa kuvutiwa na mshambuliaji huyo ambaye amebakiza miaka miwili kwenye mkataba wake.

Awali Manchester City walituma ofa ya paundi milioni 30 wakiitaka saini ya Sterling mwenye umri wa miaka 20, lakini Liverpool wakakataa dau hilo na sasa Man City wameripotiwa kuongeza dau mpaka paundi milioni 40.

Wakati huo huo Lallana amefurahishwa na kitendo cha Liverpool kuamua kumbakisha kocha Brendan Roders tofauti na tetesi nyingi zilizosambaa kwamba anaondoka msimu ujao.