YANGA YATOA TAMKO RASMI KUHUSU USAJILI WA HARUNA CHANONGO

Chonongo (kushoto) akiichezea Simba kabla ya kwenda Stand United mwezi desemba mwaka jana.

YANGA wamethibitisha rasmi kuachana na mpango wa kumsajili Haruna Chanongo baada ya kushindwa kufikia makubaliano.

Katibu mkuu wa Yanga, Dr. Jonas Tiboroa amesema usiku huu kuwa baada ya kushindwa kumsajili Chanongo sasa wanaendelea kutafuta mchezaji mwingine.

“Kiukweli dili la chanongo tumeona tuliache kwasababu za kwetu kama klabu. Tumeshindwa kufikia makubaliano, tumeona tuachane na dili hili na tutaendelea na mpango mwingine. Tunayo mipango mingi ya kutosha, dili linaposhindikana tunaweza kupata mchezaji mwingine”. Amesema Tiboroa.

Msimu uliopita Chanongo alikuwa anakipiga kwa mkopo Stand United akitokea Simba, lakini mkataba huo umekwisha na sasa ni mchezaji huru.